Urola Kostako Hitza

Zergatik gelditu da bertan behera?

Euria egin du gauean eta goizean bertara joan direnean nahiko egoera kaskarrean zeuden azpiegiturak. Skatearekin ibiltzeko ez zeukaten baldintza onik eta beste kirol batzuk egiteko ere ez. Eguraldi txarra emana dago igande arratsaldera arte eta han ditugun pantaila handiak… Goizean teknikoak joan direnean, generadoreak ondo funtzionatu beharrean izorratuta zeuden ura sartu zaielako. Arriskua ere bazegoen, euria hasiz gero hainbeste tentsio dagoenez, zerbait gertatu zitekeelako. Bilera egin dute antolatzaileek, eta beraiek erabaki dute bertan behera uztea. Dena aire zabalean egitekoa zen eta euri arriskua zegoenez hori izan da arrazoia. Motoek saltoak egiteko ariskutsua zeukaten.

Udalaren balorazioa zein da?

Guretzako tristea da. Batez ere, gugatik baino gehiago antolatzaileengatik. Lan piloa egin dute, azkenan egun bakarra aprobetxatu ahal izateko. Tristea da. Atzo arratsaldetik gaueko 02:00ak arte egon nintzen eta oso giro atsegina zegoen, jende pilo bat zegoen eta oriotar asko inguratu zen. Gauza ona ikusten dugu ekimen honetan: hor genuen zabalgune bat etekinik atera babe eta atzo jende askok esan zuen hor gauza ugari egin daitekela. Buruari bueltak ematen ari gara zerbait egiteko…

Aurreikusita egongo zen euria egin zezaleela ere, ezta?

Azkenean beti dago euriaren faktorea, eta airez zabalean denean beti dago arriskua, horregatik egiten dira aseguruak. Horrekin jokatu behar da eta hori da kontrolatzen ez dugun faktore bakarra. Badakit seguruak-eta egin zituztela eta pentsatzen det hori oso ondo lotuta izango dutela. Antolatzaileak esperientzia asko dute horrelakoak antolatzen… eta lotuta izango dute.

Udalak zenbat diru jarri zuen ekimenean?

Guk antolatzen soilik lagundu dugu: garbiketa, argiteria eta ura. Azpiegitura azken finean. Nola Espainiako gobernuarena den eremua, erakunde pribatuei ez die uzten ekimenak antolatzen eta guk eskatu genituen baimenak antolatu zedin.

Beste egunen batean antolatuko al da jaialdia?

Goizean hori jardun dugu komentatzen. Antoatzaileak oso inpresio onarekin gelditu ziren atzo. Jendeari asko gusatu zitzaion ekimena nola zegoen antolatuta. Horretan ibiltzen direnak esaten dute Gipuzkoan horrelako leku paregaberik ez dutela bilatzen, ibai alboan eta… Formatoa oso ona da, umeekin etorri daiteke. Adin guztietako da eta formatua berreskuratu beharko da. Abuztuan edo irailean izan beharko luke, baina oraindik dena ikusteko dago…