Edukira joan

Urola Kostako Hitza

Orio
2008ko urriak 11, Larunbata

2008-07-05 | 10:51:55

AISIA

'Orion! Sportmusikfesta', euriagatik bertan behera

Atzo jende ugari joan zen, baina gaur eguraldiak ez du lagundu

Hiru egunetan 15.000 lagun biltzea espero zuten 'Orion! Sportmusikfesta' antolatu dutenek, baina ekimena bertan behera gelditu da. Euria eta eguraldi txarra izan dira arrazoi nagusiak aurrera ez jarraitzeko eta astebururako aurreikusita zeuden ekitaldiak ez dituzte egingo. Ez dago atzerabueltarik, antolakuntzak hartu du erabakia eta ohar baten bidez jakinarazi dute. "Euriak azpiegituretan eragin dituen kalteak direla-eta" hartu dute erabakia, antolatzaileen arabera.

Atzo ireki zuten moila berriko zabalgunean jarri duten eremua. Familia giroko taldetxoak ikus zitezkeen zabalgunean zehar, 200-300 lagun guztira. Inaugurazioa aurreikusitako ordua baino beranduago hasi zen eta Jon Redondo alkateak ongi-etorria eman zien parte hartzera animatu ziren guztiei. Gauean, Delorean talde zarauztarraren txanda iritsi zenean, 500 lagun inguru bildu ziren doan zen kontzertura. Ondoren giroa animatzen jarraitzeko prestatuta zegoen 40 Principales festan ez zen jende askorik gelditu.

Gaur, berriz, itxura erabat desberdina dauka zabalguneak. Teknikariak eta muntatzaileak soilik dabiltza hara eta hona, andamioak eta kableak bizkarrean hartuta azpiegitura desmuntatzen. Aparkalekuak hutsik eta jatorduetarako prestatuako mahai ilarak jenderik gabe. Festa-iturri izan behar zuena, agortu egin da.

 

zabaldu.com
bildu.net
digg.com
del.icio.us

 

Jasotako erantzunak:

Mezua idatzi

1

ISLADA | 2008-07-05

15.000 euri tanta ez zituzten espero Orion!¡ www.islada.mundua.com

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Urola-Kostako Hedabideak S.L. - Zelai Ondo 23, 20800 - ZARAUTZ - Tel.: 943 890017
Faxa: 943 134122 - E-posta:

Internet Ehuntzen S.L.-k garatua

Urola-Kostako Hedabideak S.L.ko kideak: Artzape (Getaria), Baleike (Zumaia), Danbolin (Zestoa), Txaparro (Zarautz) eta Uztarria (Azpeitia)
Bertako Hedabideak (EKT)
eta Urola Kostako Berriak Kultur Elkartea: 58 gizarte eragile.